Nepal Qatar Online : News

News

सिरियामा रेडक्रसको सहयोग

Posted on: Mar 5 2012 Monday 03:34:42 AM

एजेन्सि, २२ फागुन ।

अन्तर्राष्ट्रिय रेडक्रस संस्थाले सिरियाको बाबा आम्र
सहरमा सहायता सुरु गरेको छ । होम्सपछि सबैभन्दा बढी आन्दोलन पीडित
रहेकाले आन्दोलनका कारण शरणार्थी बनेका नागरिकलाई सहयोय गर्न शुरु
गरेको रेडक्रसले जनाएको छ ।
मानवीय सहायता स्वरूप केही राहत सामग्री वितरणको काम सुरु गरेको आई सी
आर सीका प्रवक्ता सालेह दाबाकेले जानकारी दिएका छन ।
विगत लामो समयदेखि सिरियामा जारी आन्दोलनका क्रममा शरणार्थी बनेका ती
नागरिकका लागि खाद्यान्न सहयोग गरिएको छ ।
बाबा आम्र सहरमा जारी आन्दोलनबाट पीडित बनेका नागरिकहरू शरणार्थीका रूपमा
अबेलमा शरण लिइरहेका छन् ।

यसैबीच सिरियाली सरकारले पत्रकारहरूलाई नै तारो बनाएकोमा फ्रान्सेली
पत्रकारहरूले आक्रोश व्यक्त गरेका छन् । उनीहरूले विदेशी पत्रकारहरूको हत्याको
विषयमा सिरियाली सरकारले कडा विरोध पनि गरेका छन् । सिरियाली शासकको
सिकार बनेकी बेलायतको सन्डे टाइम्सकी पत्रकार मेरी कोल्भिन र फ्रान्सेली
स्वतन्त्र पत्रकार रेमी ओक्लिकको शव हिजो पेरिस ल्याइएपछि त्यहाँका पत्रकारहरूले
उक्त प्रतिक्रिया दिएका हुन् । गत फेब्रुअरी महिनाको २२ तारिखमा काम
गरिरहेको अवस्थामा ती दुई पत्रकारहरुको हत्या भएको थियो ।

Comments

* Comments not approved for this news yet